Në Fiks Fare një zonjë nga Pogradeci, e cila kërkoi të mbetej anonime denoncoi faktin se kishte blerë mish gici në dyqan dhe në të kishte gjetur një age. Ajo thotë që mishin e kishte blerë në një dyqan ku blen gjithmonë, dhe ditën që do e gatuante vuri re agen në mish. "U frikësuam ndaj e hoqa nga gatimi, ja hodha qenit. Qeni filloi të villte"- thotë ajo. Vajta u ballafaqova me shitësin e dyqanit dhe më tha nuk di çfarë të them, shko bëj analizat ku të duash. Për këtë arsye ajo vendosi ta denonconte tek Fiksi për ta ndihmuar që këtij mishi t'i bëheshin analizat. Gjithashtu, zonja kishte edhe kuponin tatimor, të dyqanit ku kishte blerë mishin. Mishin dhe kuponin ajo ja vuri në dispozicion gazetarëve të Fiksit për të bërë verfikimet e mëtejshme.