Banorët e lagjës 14 në Durrës prej vitesh jetonin në mes të plehrave. Një subjekt privat e kishte shndërruar pronën e tij në një fushë të madhe të mbetjeve; shishe plastike, qese, plehra! Madje, edhe kafshë. Dhe, të gjitha në një zonë të banuar. Banorët janë ankuar për vite me radhë në të gjitha institucionet, por vetëm pas interesimit të Fiks Fare fusha e mbetjeve u pezullua dhe institucionet u vunë në lëvizje. Sipas banorëve, në zonë ka shumë plehra dhe "kur bie shi, bëhet rezervuar me ujë, të vjen miu në vjen në pjatë". Ata thonë se janë ankuar në bashki dhe prefekturë, madje edhe me një listë prej 36 familjesh, por nuk kanë gjetur zgjidhje. Pas ankesave, gazetarët e Fiks Fare kontaktojnë me Bashkinë e Durrësit.