Fshatin Kareç ndodhet në Njësinë Administrative Maminas, Bashkia Shijak. Përbehet aftësisht nga 450 shtëpi, por aktualisht vetëm në 70 shtëpi ka banorë. Për mese 30 vite ky fshat vuan për ujë të pijshëm dhe furnizimi sipas banorëve bëhet vetëm 30 minuta një herë në dy ditë. Me një llogari të thjeshtë ata furnizohen 7.5 orë ujë në muaj. Pjesa më madhe e ka zgjidhur këtë punë duke hapur puse në oborret e tyre. E çuditshme është se i gjithë fshati ka linjë të rregullt uji, por ujë brenda tyre nuk ka. Në muajin gusht nuk ka pasur furnizim fare me ujë. Para viteve 90- fshati furnizohej me ujë Selite, por tani vuajnë për pikën e ujit. Drejtori Ivi Doçi Përgjegjës për Ujësjellës Kanalizime Durrës për zonën e Shijakut pohon gjendjen e furnizimit të fshatit, por shton se është rritur furnizimi nga 30 minuta në 1 orë. Ai tha se depoja e ujit në Shijak është në rikonstruksion dhe me përfundimin e saj, sasia e ujit për të gjitha fshatrat do të rritet. Gjithashtu dhe rrjeti nga depoja deri të fshatrat ka qenë e amortizuar dhe po bëhet ndërhyrje e plotë. Me përafërsi rreth muajit nëntor këta banorë mund të shohin ndryshim në furnizimin me ujë.