Në puntatën e datës 13 tetor 2021 “Fiks Fare” transmetoi shqetësimin e disa prindërve të nxënësve në shkollën 9 vjeçare “Gjokë Elezi” në fshatin Sanxhak të qytetit të Laçit. Prindërit ankoheshin se shkolla e fshatit është ndërtuar nga fillimi si pasojë e dëmtimeve të tërmetit në nëntor 2019, por edhe pse punimet kanë përfunduar, kjo shkollë këtë sezon të ri shkollor nuk i hap dyert për nxënësit e fshatit. Fëmijët ishin të detyruar të udhëtonin çdo ditë në kushte të papërshtatshme drejt një shkolle tjetër në qytet. Pas një komunikimi me zyrën e urbanistikës të këtij qyteti Fiksit u tha se procesi i hapjes së shkollës po zvarritej si pasojë e një kolaudimi që I duhet bërë sistemit të kaldajave dhe brenda një jave shkolla do të hapej. Sot pas një jave, bashkia mbajti premtimin dhe hapi dyert e shkollës “Gjokë Elezi” , tashmë nxënësit e fshatit kanë shkollën e tyre.