në redaksinë e emisionit "Fiks Fare" mbërriti një tjetër telefonatë, kësaj herë nga bashkëshortja e objektivit. "Ju falënderojmë, na keni shpëtuar jetën. Nuk kemi pasur asnjë dijeni se çfarë po na ndodhte" ishte telefonata. Një grup i Fiks Fare shkoi sërish në Lushnje, kësaj herë për të biseduar me zonjën në fjalë, e cila kishte dyshime tepër të mëdha për Policinë e Lushnjes. "Do e manipulojnë sërish hetimin. Ashtu siç bënë edhe herën e parë! Tani, duan ta nxjerrin sikur autori (denoncuesi) ishte për të vjedhur, apo për qëllime të tjera" thotë zonja, e cila kërkon mbrojtje për vete dhe familjen. Më pas, zonja tregon edhe konfliktin me porositësit, të cilët i ka komshinj te biznesi që kanë në afërsi të autostradës Rrogozhinë-Lushnje. "Ne me personat, porositësit, kemi pasur konflikte para 1 viti e gjysmë. Çështja tani është në Apelin e Vlorës, burrin tim e kanë dënuar në shkallë të parë me prova të paqena. Policia edhe atëherë ka manipuluar provat, pasi ata e kanë qëlluar burrit tim, e kanë gjakosur, por e bëjnë sikur burri im i ka qëlluar ata. Tani është në arrest shtëpie. Konflikti ka qenë se burri im po digjte disa mbetje te prona jonë dhe ka shkuar tymi te prona e atyre.