Gazetarët e Fiksit takojnë vetë ekspertin e Policisë së Kuçovës z. Petraq Boçe, i cili nuk pranon të jap një prononcim. Në bisedë më gazetarin ai pohon gjithçka. Makina është me targa false dhe ka qenë në pronësi të tij , por që ia ka mbyllur letrat për shkak se ka marrë një tjetër makinë. Mjetin Mitsubishi eksperti pranon se e përdor vetëm kur bën ekspertiza në zona të thella malore. Ai çuditet se si Fiksi arriti deri tek ai duke u habitur " auuu ça bëhet kështu ore edhe mua më kanë denoncuar që kam punuar gjithmonë me devotshmëri" shprehet eksperti. Ai gjithashtu pohon se makinën e ka pa autorizim dhe nuk e nxjerrë shpesh, por i vënë përball fakteve që gazetarët e Fiksit kishin filmuar lëvizjet e mjetit në orë e ditë të ndryshme eksperti shprehet " Nuk po them se nuk ka dalë , ka dalë dhe me dhjetra herë që e kam marrë, po që të ma fusin në këtë mënyrë mua këta... ku di unë të punosh 30 vjet në polici e ta ngopin kështu nuk e di". Në fund i pyetur nga Fiksi se pse pas 30 vitesh punë në polici bën një gabim të tillë, eksperti 'dorëzohet' duke thënë se është gabim i tij dhe këtë e di shumë mirë.