Në një takim tjetër ai i thotë se "Ta heq këtë punë, për mua e ke të kryer 100 % kaq". Madje, i përmend edhe emra punonjësish dhe ish punonjësish të Kadastrës. "Tani kemi folur me nëndrejtorin e Përgjithshëm të Hipotekës. Është shoku im që është garant, me letrat me të gjitha. Dy (2 mijë euro) do t'i japësh tani, dy do t'i japësh kur të marrësh letrat. Deri në datën 15 prill i ke të kryme, vdekje më tha mua. Ke punë me mu" i premton sekseri. Pas këtyre bisedave, denoncuesi interesohet në Kadastrën e Durrësit, ku punonjësi i thonë se "letrat i ka në rregull, do të ribëhen faturat nga e para dhe do rishikohet nëse është banesë apo biznes". Por, për momentin kjo zyrë po merret me Spitallën dhe më pas do të merren me zonën e plazhit.