Fiks Fare ka sjell mbrëmjë e sotme një rast të një gruaje të dhunuar bashkë me pesë fëmijët e saj e cila është e pastrehë. Sonela Manaj i është drejtuar disa herë bashkisë Kavajë për këtë problem, por asnjëherë nuk ka marrë zgjidhje. " Pesë djemtë e mi, më i madhi 13 vjeç dhe dy binjakët e vegjël nga 7 vjeç prej 4 muajsh nuk shkojnë në shkollë" tregon me lot në sy Sonela. Sipas saj nuk dhunohej vetëm ajo nga bashkëshorti, por edhe pesë femijët dhe për këtë ka marrë një urdhër mbrojtje nga gjykata. Në urdhër ajo shpjegon se gjykata e ka cilësuar saktë që bashkia duhet t'i strehojë , por që sipas Sonelës bashkia nuk ka bërë asgjë. Sonela tregon se është e vetme me 5 fëmijët dhe pa asnjë të ardhur ekonomike. E vetmja e ardhur është kempi i djalit 13 vjeçar të cilin e përdorë për të paguar qiranë e shtëpinë. Aktualisht ajo jeton në Golem por më para ka jetuar në Kavajë. Pikërisht prej çmimit të shtrenjtë të qirasë është detyruar të transferohet në Golem, por edhe këtu e ka të pamundur të pagujë qiranë prej 10 mijë lekësh në muaj. Si pasojë e kushteve të këqija ekonomike fëmijët e saj prej 4 muajsh nuk e frekuentojnë më shkollën dhe për këtë Sonila përlotet. Ajo kërkon ndihmën e Fiksit për t'u strehuar bashkë me fëmijët e saj " një strehë të mblidhemi" siç shprehet ajo. "Pronari do më nxjerr nga shtëpia, nuk kam ku shkoj " tregon e dhunuara.