Njënën nga qyteti i Beratit, ka denoncuar në emisionin Fiks Fare, dhunën që i ka ushtruar bashkëshorti i saj për 13 vite me radhë. Dhunë e cila ka sjell edhe ndarjen më vonë, por tashmë problemi qëndron tek dy fëmijët e mitur të çiftit. Sipas denoncueses prej 13 vitesh ish bashkëshorti i saj e dhunonte sistematikisht edhe në sy të fëmjëve. Dhuna sipas saj kishtye ardhur si pasojë se ish burri ishte i alkoolizuar, luante kumar dhe nuk punonte rregullisht për të përmbushur detyrimet familjare. Dhunë sipas denoncueses është ushtruar nga ish burri edhe kundrejt fëmijëve të mitur. Madje denoncuesja shkon edhe më tej ku shprehet se edhe kunati vjehrra edhe kunata kanë ushtruar mbi të dhunë fizike dhe psikologjike. Pas ndarjes ish bashkëshorti e kishte përzën nga shtëpia, ndërsa nuk i jepte dy fgëmijët. Që me vendim gjykate i ishin lënë në kujdestari nënës. Por e dhunuara bën akuza të forta edhe kundrejt policisë, pasi sipas saj ish bashkëshorti ndihmohej nga inspektori i rendit që mos të zbatohej vendimi i gjykatës. " Ai kishte miqësi me inspektorin se pinin nga një gotë bashkë dhe ky i fundit më thoshte që nuk ka vendim që t'i lë ty fëmijët" shpjegon denoncuesja