E moshuara dhe gazetarja e Fiksit i drejtohen drejtorit. Ai u thotë se spitali i bën ato analiza dhe se përgjegjësit do mbajnë përgjegjësi. Ai thërret në zyrë mjeken e laboratorit e cila i shpjegon se për kryerjen e këtyre analizave nuk kanë reagent, por që drejtimi i laborantes drejt privatit nuk është i dejtë dhe për këtë duhet të merren masa. Ajo shpjegon se laborantja Donika Kote e ka bërë disa herë këtë gjë duke i orientuar pacientrët drejt këtij laboratori privat. Drejtori i poliklinikës i orienton që t'i drejtohen drejtorisë së spitalit Bashkiak të Lushnjes. Drejtuesi i këtij institucioni, zoti Perin Vogli pasi u njoh me ankesën e pacienties 77 vjeçare, pranoi se keto ishin raste të përsëritura. Pasi qytetarja depozitoi ankesën me shkrim pranë administratës së spitalit, drejtori i spitalit të Lushnjes, vendosi pezullimin nga detyra të laborantes Donika Kote.