Drejtori i kësaj shkolle, zoti Maliq Xhafa pasi ishte informuar nga të tjerë se gazetarët e Fiks Fare kishin mbërritur në Borizanë, u dërgon stafit pedagogjik një mesazh informues duke u thënë që të kishin kujdes pasi Fiks-i do t’i monitoronte hap pas hapi. Të gjithë duhej të kishin maska, asnjë nxënës nuk mund të lejohej pa maskë dhe secili mësues duhej të shoqëronte klasën që do të kishte mësim. Pas disa lëvizjeve shmangëse nga ana e tij, drejtori u intervistua pranë një mikrobuzi në momentin e nisjes. Ai u shpreh se nuk e kishte idenë se për çfarë I drejtoheshim dhe se asnjë prind nuk I është ankuar që zëri I tyre të shkonte më lart. Sipas tij ky proces transporti ishte sipas çdo rregulli anticovid dhe se mundësi tjetër zgjedhje për organizimin e mësimit nuk kishin, pasi shkolla e Thumanës ishte e vetmja më e afërt që mund t’u vihej në dispozicion.