Gazetarët e Fiksit për të marrë një përgjigje shkojnë edhe në Zyrën Vendore Arsimore .Sekretarja pohon se drejtoresha ndodhet në një takim për të cilin ajo nuk ka informacion se ku zhvillohet. Në këto kushte gazetarët kërkojnë një takim me juristen, por sapo ata trokasin në derën e saj dera mbyllet me çelës nga brenda. Pasi gazetarët i thonë se nuk largohen deri sa dera të hapej juristja që brenda ishte pash me drejtoreshën e ZVA-së hapin derën duke i lënë gazetarët të hyjnë brenda. Gazetarët e pyesin nëse është ajo drejtoresha, por përgjigjja është jo. Të njëjtën gjë konfirmon dhe juristja ndërkohë që nuk pranon të përgjigjet , po kërkon një kërkesë me shkrim. Pas këmbënguljes së Fiksit juristja thotë se Drejtoria Rajonale Lezhë nuk ka kthyer përgjigje. Fiksi i drejtohet edhe DRAP-it. Drejtori Bardhok Pulaj pasi i treguam pamjet e zonjës që ndodhej në zyrën e juristes na konfirmon se zonja ka qenë drejtoresha e ZVA-së . Të dyja, si juristja dhe drejtoresha gënjyen. Z. Pulaj në lidhje me procesin e zgjedhjes së drejtorit thotë se procesi është vonuar dhe kanë kaluar të gjitha afatet ligjore dhe për këtë do ngrihet një inspektim nga ana e tij për të gjitha dokumentet e administruara në dosje. Situata sipas tij do zgjidhet duke u ngritur një komision i ri edhe pse për administrimin e dokumenteve përgjegjësia është e ZVA-së.