Iu desh një telefonatë nga një gazetarë greke për të kuptuar se në çfarë afere e kishin futur mjeken Saimira Laçi nga Shkodra. Asaj i kishte dalë emri në fletë-analizën për covid 19 si mjekja e laboratorit , ku në Greqi rezultoi e falsifikuar edhe pse mjekja nuk e kishte kryer kurrë atë analizë. Në këto kushte ajo i është drejtuar Prokurorisë Tiranë për të bërë denoncim, por që nuk ia kanë pranuar. Më pas ajo i është drejtuar Komisariati Nr. 3 Tiranë për të bërë denoncimin, por as policia nuk ia pranoi denoncimin. Të njëjtin fat ka pasur edhe kur i është drejtuar dyerve të Drejtorisë së Policisë Tiranë , apo me mesazh Ministrit Lleshaj. Në të gjitha rastet ose është refuzuar ose ka mbetur pa përgjigje. Ajo iu drejtua emisionit Fiks Fare duke kërkuar ndihmë pasi emri i saj po përdorej nga persona të tjerë që shisnin fletë analiza fiktive për covid 19 për të udhëtuar jashtë vendit.