Fiks Fare denoncoi mbrëmjen e së hënës ndryshimet e projekteve për rindërtimin e një pallati 9 - katësh të dëmtuar nga tërmeti i 26 nëntorit në Shkozet, Durrës. Bëhet fjalë për pallatin të cilit i fillon ashensori nga kati i tretë, i dëmtuar rëndë 3 vite më parë. Megjithëse janë hedhur miliona lekë për rikonstruksionin, por edhe pas deklaratave të kryetares së Bashkisë së Durrësit, Emirjana Sako, se ashensori do fillojë nga kati parë, sërish ashensori do ribëhet nga kati tretë! Punonjësit e firmës, por edhe të bashkisë, kanë kundërshtuar deklaratat publike të kryetares, duke futur në konflikt me njëri tjetrin banorët.