477 nxënës të shkollës 9-vjeçare “Haxhi Qira” në fshatin Borizanë të qytetit të Krujës, që pas tërmetit të nëntorit 2019 kanë mbetur pa një ambjent studimi, pasi shkolla që ata kishin po ndërtohet nga fillimi. Këta nxënës të ndarë me dy turne duhet t’i drejtohen një shkolle tjetër më të afërt që është ajo e Thumanës. Për të kryer këtë proces transporti, ZVA e qytetit të Krujës ka vënë në dispozicion disa mikrobuzë, por mesa duket as kjo nuk I kënaq prindërit e këtyre nxënësve pasi grumbullimi I fëmijëve bëhet në rrugë kryesore dhe për më tepër, për të mundësuar shoqërimin e tyre duhet patjetër që një prind të jetë me ta, kështu prindi duhet të lërë punën për të shmangur pasiguritë. Ata thonë se është viti i dytë që procedojnë në këtë mënyrë, janë ankuar por ankesat e tyre kanë shkuar në vesh të shurdhët. Këtë vit mësimi për të githë këta nxënës do të jetë me turne. Një javë mësimi do të mbahet në turnin e pasdites në ambjentet e shkollës “ Ramazan Jangozi” në Thumanë, ndërsa një javë online. Askush nuk mori masa për gjetjen e një ambjenti me qera që keta 477 nxënës të kryejnë orët mësimore deri në përfundimin e shkollës së re.