Në këto kushte Fiksi interesohet pranë Bashkisë Durrës, ku këta të fundit kërkuan që të depozitohej një kërkesë. Bashkia nuk iu përgjigj pyejeve te drejtuara nga emisioni Fiks Fare në kërkesë, por vuri në dispozicion vetëm relacionin e hartuar prej saj të komisionit të shqyrtimit të ankesave, pas ankesës së depozituar prej familjes Kika në portalin e bashkëqeverisjes, relacion që mban dt 21 dhejtor 2021. Në këtë relacion thuhet se komiosni i posaçëm për vlerësimin dhe zgjedhjen e përfituesve nga programet e procesit të rindërtimit ka konstatuar që familja Kika nuk ka aplikaur vtek portali 'shtëpia ime' dhe ata e kanë shpallur përfitues të banesës 1+1 meqë në certifikatën familjare të vitit 2019 figuronin vetëm 2 persona, pasi djemtë ishin kurora më vete. Pushteti vendor pas tërmetit edhe pse bëri verifikime në terren, nuk e pasqyroi ate çka konstatoi në familjen Kika, ku në një banesë 2+1 jetonin 3 kurora. Bashkia e Durrësit, pasi i hoqi një dhomë familjes Kika pas dëmtimit që ajo pësoi nga tërmeti dhe nuk i dha zgjidhje problemit të strehimit të 3 kurorave të kësaj familjeje, i rekomandon që këtë problem ta zgjidhë në gjykatë.