Qemal Xhipi nga qyeti i Fierit ka kërkuar ndhmën e emisionit Fiks Fare pasi në shtator të vitit 2021 ka rënë pre e një mashtrimi online në Facebook. Në muajin Korrik të vitit të kaluar ai thotë se ka kaluar një paralizë dhe është shtruar në spital. Në pamundësi për t'u kuruar Qemali i thotë bashkëshortes të bëjë një apel për ndihmë në Facebook ku pak ditë më pas një grua me emrin Nertila Bici i dërgon një sms ku i thotë se ka një pasuri të cilën dëshiron ta dhurojë tek një person që ka vërtetë nevojë, pasi vetë ajo ishte e sëmurë nga kanceri në fyt dhe kurohej në Kanada. Ajo ishte shprehur se donte të ndihmonte familjen Xhipi me 30 mijë euro sepse nuk kishte trashëgimtar dhe se baskëshorti I kishte ndërruar jetë pak muaj më parë. Për të gjitha lëvizjet që do të bëheshin, Nertila I kishte dërguar familjes Xhipi kontaktin e avokatit të saj me origjinë franceze sipas saj. Avokati herë pas herë kërkonte shifra të ndryshme për të bërë kalimin e pasurisë, pasi sipas tij shuma që do t’i kalonte Qemal Xhipit ishte në monedhë të huaj dhe duhej të konvertoheshin në lekë. Ky mashtrim i ka kushtuar Qemalit në total me pagesat që ka bërë 730 euro. Qemali thotë se dërgesat që ka kryer i ka depozituar në emër të një shtetasi kosovar, por në asnjë moment nuk i kanë vënë në dispozicion një mjet identifkimi. Pas disa kohësh Nertila mbylli çdo adresë kontakti dhe avokati kishte thënë se Nertila ka ndërruar jetë. Pas disa kohësh avokati komunikon me sms me familjen Xhipi dhe u thotë se do t'u dërgojë me fax një dokument ku vërtetohet se pasuria e Nertilës është firmosur nga ajo për t’i kaluar familjes së Qemalit. Dokumenti përmbante firmën e Nertilës, vulën e një notereje dhe të vetë avokatit, por për të bërë kalimn e shumës duheshin edhe 418 euro për të paguar siguracionin. Qemali nuk kishte pranuar të paguante pasi po kuptonte që po mashtrohej.Qemali thotë se avokati dhe Nertila i shkruanin gjithmonë shqip, Nertila në Facebook avokati me numra të ndryshëm në Whats app.