Para pak ditësh Fiksi trajtoi rastin e një emigranti i cili ishte implikuar në një grup kriminal narkotikësh vetëm nga një numër telefoni. Numër të cilin kurr nuk e kishte blerë dhe përdorur vetë. Madje në emër të tij ekzistonin plot 113 numra të tjerë. Prokuroria e Tiranës nga hetimet kishte zbuluar se numrat ishin shitur fiktivisht nga punonjësit e kompanisë telefonike, duke falsifikuar firmën e tij. Madje një ndër emrat e akuzuar e shpallur në kërkim ishte ai i punonjëses Joana Balliu. Kjo e fundit mësoi nga emisioni Fiks Fare se ishte e shpallur në kërkim dhe se kishte një çështje pënale në gjykatë. Ajo pohoi për Fiks Fare se nuk ka punuar asnjëherë për një kompani telefonike në Shqipëri dhe se për momentin jetonte jashtë bashkë me familjen e saj. Ajo pohoi se ka punuar ne call center dhe për këtë ka dhe dokumentat që ka qenë e siguruar. Ndërkohë shton se kurr nuk është thirrur nga prokuroria për të dhënë deklaratë.