Në korrik të vitit 2019 Fiks Fare investigoi rastin e një vajze 18 vjeçare e cila denoncoi babain që e abuzonte sekualisht dhe psikologjikisht prej 3 vitesh, kur ajo ishte vetëm 15 vjeçe. Pas rrëfimit të vajzës dhe investigimit të Fiksit u provua me zë dhe figurë abuzimi i babait. Një nga zbulimet më të rënda ishte dhe fakti, që nëna e vajzës kishte dijeni për ngjarjen, por nuk e denonconte, madje as nuk e mbështeste atë në denoncimin që bëri. Policia e shtetit bëri ndalimin e babait dhe nënës duke dalë nga zyrat e Top Channel. Në gjykatë babai kërkoi gjykim të shkurtuar dhe këto muaj gjykata e Apelit Tiranë vendosi dënimin e tij me 8 vite burg. Por për këtë ngjarje akoma nuk ka informacion nëse janë marrë masa ndaj oficerit të policisë që nuk regjistroi denoncimin e vajzës apo edhe nënës së saj e cila edhe pse kishte dijeni, mundohej ta fshihte dhe jo denonconte dhe dënonte këtë ngjarje të rëndë.