Vendi ynë është rrethuar nga virusi britanik, një nga mutacionet e Covid 19-tës. Në Kosovë, Mal të zi dhe Greqi janë zbuluar raste të prekurish. Artan Simaku, Mjek Epidemiolog: Edhe Shqipëria nuk përjashtohet nag qarkullimi i këtij varianti të ri, por deri tani nuk ka asnjë rast të prekur më këtë virus. Kjo, nga analizat e kryera ne ISHP nuk janë evidentuar shtame të dyshuara me variantin e ri britanik. Vetëm në 3 ditët e fundit kemi 30 të vdekur dhe mbi 2700 të infektuar. Artan Simaku, Mjek Epidemiolog: Kjo rritje është parashikuar që në dhjetor, për shkak të festave dhe grumbullimeve familjare që u bënë gjatë një periudhe festash 10 ditore. Nisja e vaksinimit në vend ka bërë që qytetarët të neglizhojnë respektimin e masave anticovid. Artan Simaku, Mjek Epidemiolog: Nuk duhet të relaksohemi, pavarësisht se ka nisur vaksinimi. Edhe personat që e kryejnë duhet ta mbajnë maskën. Asgjë nuk ndryshon derisa sa të arrihet imuniteti i tufës, dhe të vaksinohet mbi 60 përqind e popullatës. Nëse më parë infektoheshin moshat e mëdha, tani janë të rinjtë që po preken në masë nga virusi. Artan Simaku, Mjek Epidemiolog: Mosha është ulur nga 25 deri në 44 për shkak të mosrespektimit të masave. Por ka gjithashtu edhe persona të papërgjegjshëm, që megjithëse rezultojnë pozitivë dalin nga shtëpia, nuk izolohen e karantinohen, po ashtu edhe familjarët dalin duke kryer shkelje që dënohen nga ligji.