Sot në 7 mars, dy fëmijë nuk shkojnë në shkollë për shkak të një konflikti të pazgjidhur mes mësueses së klasës së parë dhe prindërve të fëmijëve binjakë. Pëllumb Baci nga fshati Papaj i Tropojës ankohet në Fiks Fare se dy fëmijët e tij binjakë, përkatësisht në klasën e parë, nuk po shkojnë në shkollë. Arsyeja është se mësuesja e tyre Andriana Hykaj nuk pranon të takojë prindërit. Pëllumbi tregon se me të njëjtën mësuese ka qenë edhe djali tij më i madh deri në klasë të pestë. Dhe këtu ka nisur dhe konflikti midis dy palëve, pasi në fund të klasës së 5-të mësuesja vendosi të bënte një ekskursion me klasën. Si mjet transporti gjeti mjetin furgon të një zotërie i cili ka konflikt me Pëllumbin. Si rrjedhojë Pëllumbi vendosi që mos ta dërgonte djalin në këtë ekskursion me zotërinë që kishte konflikte, pasi nuk kishin besim. Mësuesja asaj kohe nuk gjeti transport tjetër dhe anulloi ekskursionin. Kjo ka sjell pakënaqësi nga ana e saj dhe ka vendosur që mos të ketë me Pëllumbin komunikim edhe pse në klasë do kishte dy binjakët e tij. Ndërkohë që jemi në prag të mbylljes së simestrit të dytë të vitit shkollorë dhe ata që penalizohen më shumë janë dy fëmijë të pafajshëm që deri më sot nuk kanë bërë asnjë ditë shkollë edhe pse arsimi bazë është i detyrueshëm me ligj.