Mijëra njerëz u mblodhën në kryeqytetin e Maqedonisë së Veriut, Shkup, në një protestë për zjarrin në një klub nate në mars, i cili vrau 63 persona. Familjet e viktimave dhe mbështetësit e tyre, duke mbajtur fotografi në duar dhe të veshur me të zeza, kërkuan drejtësi për viktimat e zjarrit, i cili shpërtheu gjatë një koncerti hip hop në Koçani, një qytet me 25,000 banorë, 80 km në lindje të Shkupit.Autoritetet e Maqedonisë së Veriut kanë akuzuar 37 persona në lidhje me zjarrin."Ne nuk do ta harrojmë, nuk do të dorëzohemi dhe shpresojmë se më në fund do të kemi një proces gjyqësor të drejtë në këtë vend", tha Bojan Eftimov, një nga protestuesit.Dhjetëra njerëz u plagosën ndërsa nxituan të dilnin nga dalja e vetme e lokalit, ndërsa flakët përhapeshin në çatinë e tij. Autoritetet besojnë se tragjedia ndodhi si pasojë e fishekzjarrëve të përdorur në skenë. Rreth 650 persona ndodheshin brenda klubit kur zjarri shpërtheu. Më shumë se dy të tretat e viktimave ishin të moshës nga 16 deri në 29 vjec.Një seancë e parë dëgjimore pritet të fillojë më 19 nëntor. Incidenti ishte më i vdekjeprurësi në vendin ballkanik që nga viti 1993, kur dy aksidente ajrore ndodhën.