Më pak se katër javë nga zgjedhjet e parakohshme të 7 qershorit në Kosovë, qeveria Kurti në detyrë ka njoftuar se ka mbajtur një mbledhje elektronike në të cilën ka ndarë buxhetin e kërkuar nga KQZ. Zyra e Kryeministrisë bën me dije se në mbledhje eshtë miratuar kërkesa e Komisionit Qendror të Zgjedhjeve dhe për zgjedhje janë ndarë mbi 10 milionë e 800 mijë euro. Analistët mbeten skeptikë nëse zgjedhjet e 7 qershorit, do të sjellin zgjidhje të krizës politke në vend. Sipas tyre, zgjedhjet rrezikojnë sërish të mos sjellin zgjidhje, pasi partitë sërish do të detyrohen të ulen dhe të diskutojnë për çështjen e presidentit. Në raundin e parë dhe të dytë, kandidati i propozuar për president duhet të marrë dy të tretat e votave të deputetëve. Ndërsa në raundin e tretë, mjafton gjysma e votave të deputetëve, pra 61 vota.