Janë identifikuar dy vajzat që udhëtonin me mjetin tip ‘Land Rover’ në aksin rrugor Gjirokastër-Sarandë, që u përfshin në aksidentin tragjik me 5 viktima. Shoferja e Land Rover-it, Rexhina Çelhaka, rreth 25-vjeç, së bashku me shoqen e saj, pasagjeren Greta Kaberdini, po udhëtonin drejt Sarandës. Sipas hetimeve ka rezultuar se makina Land Rover po udhëtonte me një shpejtësi tej normave i ka prerë rrugën furgonit së linjës Tiranë-Sarandë, ndërsa furgoni ka dalë nga rruga dhe ka përfunduar në humnerë. Për pasojë gjetën vdekjen 4 pasagjerë dhe shoferi i linjës Tiranë-Sarandë, i identifikuar si Bardhi Proda 51-vjeç, ndërsa ka shpëtuar për mrekulli një vajzë e re, e cila ndodhet në spital nën kujdesin e mjekëve. Vajzat të cilat udhëtonin me mjetin ‘Land Rover’ ndodhen në spital jashtë rrezikut për jetën ndërkohë që policia ka nisur ekspertizën. Ekspertët dyshojnë edhe për mundësinë e një parakalimi të gabuar prej drejtueses së Land Roverit që mendohet se ishte me marsh të katërt.