Hapet xhamia e re në rrugën “Hamdi Cullaj” në kryeqytet. Kryebashkiaku Erion Veliaj, së bashku me myftiun e Tiranës, Lauren Luli uroi besimtarët në muajin e Ramazanit. Veliaj: “Më vjen mirë që xhamia hapet në muajin e shenjtë të Ramazanit. Të qenit qytet, të qenit bashki, është e lidhur me xhaminë, sidomos Tirana, e cila ka lindur prej ndërtimit të xhamisë. E vlerësoj shumë kontributin e vëllezërve që shërbejnë cep e më cep. Kur ndodhi tërmeti, një pjesë e madhe e njerëzve që u ndjenë shumë të shqetësuar, të rrezikuar, u mblodhën në xhami, sepse ndjenë besim, duke u bërë bashkë me të tjerët për të kaluar një moment të vështirë.” Kryebashkiaku shprehu mirënjohjen e tij për të gjithë ata që kanë kontribuar për njerëzit në nevojë, jo vetëm gjatë muajit të shenjtë të Ramazanit.