Lëvizja Vetëvendosje e drejtuar nga Albin Kurti, një subjekt politik i sukseshëm në Kosovë që tashmë qeveris vendin pas shumicës së votave të marra në zgjedhjet e parakoshme parlamentare të 14 shkurtit, prej dy vitesh është e pranishme edhe ne vendin tonë. Pas depozitimit të kërkesës në Gjykatën e Tiranës në marsin e vitit 2019, vetëm një muaj më pas u zyrtarizia krijimi i degës së Vetëvendosjes në Shqipëri. Themelues të degës së vetëvendosjes në Shqipëri në atë kohë ishin Glauk Konjufca Gearda Demiraj, Dejona Mihali, Enis Sulstarova, Hysamedin Feraj, Elvis Hoxha dhe Boiken Abazi që është edhe drejtori ek Ekzekutiv i degës. Në deklarimet e tij në atë kohë Abazi ka pohuar se objektivi i vetëvendosjes në Shqipëri është bashkimi kombëtar. “Qendra e Lëvizjes VETËVENDOSJE! në Shqipëri funksionon bazuar mbi parimin e barazisë, të demokracisë, dhe të lirisë së vullnetit e drejtësisë sociale për të rritur vetëdijen dhe angazhimin në lidhje me çështjen kombëtare shqiptare dhe progresin shoqëror në të gjitha dimensionet dhe problematikat e tyre, brenda dhe jashtë territorit të Republikës së Shqipërisë. Qendra synon të japë mbështetjen për ushtrimin e së drejtës demokratike për vetëvendosje të popullit shqiptar për realizimin e bashkimit të shtetit të pavarur të Kosovës me Shqipërinë, duke u bazuar në Preambulën e Kushtetutës së Republikës së Shqipërisë dhe parimin e vetëvendosjes së popujve të shprehur në Kreun 1 të Kartës së Organizatës së Kombeve të Bashkuara”, thuhet në objetivat e Vetëvendosjes në Shqipëri. Që naga ajo kohë e në vazhdim Vetëvendosje ka punuar për fuqizimin e saj, duke ardhur edhe me përfshirjen e saj në zgjedhjet parlamentre të 25 prillit me 3 kandidatë, Bojken Abazi për qarkun e Tiranës, Iliaz Shehu për Qarkun e Lezhës dhe Kreshnik Merxhani për Qarkun e Gjirokastrës. Të tre kandidatët e Vetëvendosjes në shkallë vendi kanë marrë rreth 3600 vota, ku më i votuari është Bojken Abazi i cili në qarkun e Tiranës ka siguruar 2993 vota. Kujtojmë se edhe vet kreu i vetënvendosjes Albin Kurti, njeherësh edhe kryeministër i Koosvës erdhi në Shqipëri dhe votoi ditën e zgjedhjeve, për shkak se zotëron nënshtetësinë shqiptare. Gjithsesi rezultati i Vetëvendosjes nga përfaqësimi i parë në zgjedhjet në Shqipëri është modest, dhe nuk krahasohet me mbështetjen që Vetëvendosja gëzon në Kosovë. Mbetët për t’u parë nëse vetëvendosje në Shqipëri do të vijë duke u rritur e do fitojhë më shumë mbështetje nga qytetarët, deri në atë masë sa të arrijë të përfaqësohet në nivelet e ndryshme të pushtetit.