Me shtatë kodrat e tij historike, me trafikun e cmendur dhe rrugët me gropa, Roma nuk ka qenë kurrë më parë qyteti ideal për ciklistët, por me pandeminë e koronavirusit, gjërat duket se po ndryshojnë. Ashtu si edhe në vende të tjera, rrugët e zbrazura nga kufizimet anti covid, i kanë hapur vend ciklistëve për të marrë frymë, por një rrjet i ri korsish për bicikleta dhe subvencionimet bujare të qeverisë për ata që blejnë bicikleta, kanë ndihmuar po ashtu në ushqimin e këtij bumi. Valeria Picchi, një 36 vjecare nënë e dy fëmijëve, shiti motorin e saj vitin e shkuar dhe bleu një bicikletë.