Qindra mijëra protestues dolën në sheshe në të gjithë Francën, ndërsa vendi përgatitet për një grevë të përgjithshme në ditët në vijim. Në Paris, policia përdori gaz lotsjellës dhe u përlesh me protestuesit gjatë fundjavës së tretë të demonstratave mbarëkombëtare kundër rritjes së kostos së jetesës dhe shërbimeve të dobëta publike. Sipas Ministrisë së Brendshme të Francës, më shumë se 320,000 njerëz dolën në rrugë në të gjithë vendin dhe të paktën 290 protestues u arrestuan. Policia bën të ditur se rreth 70,000 vetë protestuan në Paris. Autoritetet kishin marrë masa të gjera për të shmangur përsëritjen e dhunës, trazirave dhe plaçkitjeve që ndodhën dy javë më parë. Autoritetet kishin paralajmëruar për mundësinë e dhunës së mëtejshme gjatë natës, në një kohë kur po zhvillohen edhe festimet e Halloëeen-it.