Shumë informacione që mbajnë firmën e ish-drejtorit të Policisë së Shtetit Gledis Nano janë tashmë publike, por për të ndalur publikimin e tyre tashmë ka një vendim gjykate. Në zbatim të vendimit të Prokurorisë së Tiranës për sekuestrimin e të dhënave në kuadër të procedimit penal Nr.5430 të vitit 2022, për veprat penale “Ndërhyrja në të dhënat kompjuterike”, “Ndërhyrja në sistemet kompjuterike”, dhe “Keqpërdorimi i pajisjeve” bëjmë me dije mediat dhe opinionin publik se me vendimin e datës 19.09.2022, Prokuroria ka vendosur ndalimin e publikimit të çdo të dhëne të botuar nga autorët e sulmit kibernetik. Në njoftimin për shtyp, Policia bën me dije se ka qenë Prokuroria, e cila ka vendosur që asnjë e dhënë e botuar nga autorët e sulmit kibernetik të mos publikohet nga mediat audiovizive, të shkruara, online, në rrjete sociale apo në çdo formë të publikimit apo transferimit të të dhënave që postohen nga autorët e këtij sulmi kibernetik mbi sistemin TIMS të Policisë së Shtetit.