Prej dekadash, liqeni i Badocit në Kosovë mbledh peshkatarë nga komunitete të ndryshme. Ndër më të moçmit në këtë zonë është 68-vjeçari Mile Mikiq nga Graçanica vjen rregullisht në këtë basen ujor për t’iu përkushtuar hobit të tij të peshkimit ndërsa tregon se ky pasion e ka bërë bashkë me shqiptarë e pjestarë të komuniteteve të tjera, me të cilët tashmë ka krijuar miqësi të sinqertë. Peshkojmë rregullisht, shoqërohemi me shqiptarët. Ky është sport për të gjithë ne, të gjithë peshkojmë këtu. Unë i respektoj rregullat e peshkimit; nëse zë krap që është i ndaluar, e lëshoj në ujë dhe kështu me radhë.... Po, peshkojmë dhe shoqërohemi. Edhe përmes peshkimit, por edhe përmes ushqimit që marrim me vete, hamë së bashku dhe kështu me radhë....Ky është sport për të gjithë ne. Fundjava pranë liqenit të Badocit është momenti I bashkimit për të gjithë këtë grup peshkatarësh. “ Është një sport që i bashkon të gjithë edhe të gjithë kanë qejf të vijnë këtu dhe me qenë bashkë me zënë (peshk) e kur e shohim njëri-tjetrin që është duke zënë (peshk) më shumë gëzohemi ne sesa ai aty. Mirë kalojmë nuk është keq perfekt është pastër sigurinë e kemi në rregull nuk kemi problem me askëndë vijmë në ora 04:00 rrimë deri në 22:00, 23:00, ,24:00 pa asnjë telashe”,