Pas disa muajsh negociata, vendet anëtare të Bashkimit evropian dhe Parlamenti Evropian, kanë arritur një marrëveshje për një projektligj rreth klimës, që mund të zvogëlojë emetimet e gazrave serrë me të paktën 55 për qind deri më 2030. Nënpresidenti i Komisionit Evropian Frans Timmermans, i cili është i ngarkuar me çështje klimatike, ka thënë se ky është një moment historik pë BE dhe jë sinjal i qartë për botën, dhe se me anë të përkushtimit do të arrihet neutraliteti klimaterik në 30 vitet e ardhshme. Objektivi i ri përbën rritje prej synimit të vënë më parë për zvogëlim për 40 për qind të emetimeve që nxisin ngrohjen globale, në krahasim me nivelet e viteve 1990. Ndërkohë edhe Shtetet e Bashkuara pritet të bëjnë publike këtë javë objektivat për zvogëlim të gazrave serrë. Presidenti amerikan Joe Biden do të jetë drejtues i një samiti për klimën më 22 prill, ku pjesë e tij do të jenë shumë liderë botërorë.