Tregu valutor pasqyrohet me një rënie të lehtë për monedhat euro dhe dollarë sipas përditësimit të fundit të Bankës së Shqipërisë. Monedha euro ka pësuar rënie të lehtë duke arritur në nivelin 123.04 lekë, ndërkohë vlera e dollarit vijon të jetë në rënie duke arritur në nivelin 104.20 lekë për një dollar. Rënia e kursit të këmbimit të monedhave të huaja, vlerëson më shumë monedhën vendase dhe ka disa efekte në ekonomi. Forcimi i monedhës vendase i bën produktet vendase më të shtrenjta për të huajt. Nga njëra anë rrit përfitimet e prodhuesve shqiptarë, por nga ana tjetër mund të bëjë, që të huajt të ulin kërkesën për mallra vendase, sepse me një rënie të kursit të këmbimit i blejnë më shtrenjte produktet shqiptare. Sektori i turizmit ndikohet pozitivisht nga forcimi i monedhës shqiptare, pasi për të njëjtin shërbim turistët duhet të paguajnë një vlerë monetare më të lartë. Megjithatë kërkohet një investim i madh në bregdetin shqiptar, në mënyrë që pavarësisht çmimit pushuesit e huaj të vijojnë të zgjeshin rivierën shqiptare. Ndikim pozitiv ka edhe në raport me importet. Ky ndryshim i kursit valuator do të bëjë të mundur që më shumë mallra të futen në tregun shqiptar sepse tashmë blihen më lirë. Nga ana tjetër remitancat përbëjnë një përqindje të lartë të të ardhurave shqiptare. Rënia e kursit të këmbimit dekurajon emigrantët shqiptarë të dërgojnë të ardhura në shqipëri.