Ka nisur séanca për masën e sigurisë së tre kontrollorëve të pas grevës që paralizoi për thuajse 48 orë aeroportin e vetëm ndërkombëtar të vendit. Prokuroria kërkoi një ditë më parë për Flora Ndrecën, e cila ka fëmijë të vegjël, masën “arrest shtëpie” , ndërsa nuk pati lëshime të ngjashme për kontrollorin Muhin Mezinit dhe Armando Fezgën, kreun e Sindikatës së Kontrollorëve të Trafikut Ajror, ndaj të cilëve u kërkua “arresti me burg”. Akuza e ngritur nga prokuroria është ajo e shpërdorimit të detyrës. Deklarimet e tyre tregojnë se në bashkëpunim me njëri tjetrin, kanë ndikuar tek vartësit e tyre për të plotësuar formularin e paaftësisë në punë, ndërsa pasojat ishin mbyllja e kullës dhe bllokimi i aeroportit. Komunikimet janë kryer përmes aplikacionit Whatsapp. Në disa raste madje sipas prokurorisë, mendohet se të dyshuarit mund edhe të kenë plotësuar formularin e paaftësisë edhe për kolegët e tyre, ndërsa me ata që kanë kundërshtuar kanë bërë debate deri sa i kanë bindur për të firmosur. Kështu kontrollori Kujtim Malko është shprehur se është përplasur me Ndrecën pasi nuk ka dashur ta plotësonte formularin. Sipas tij, ajo i është drejtuar me fjalët “ ti nuk je burrë”, dhe a ii është kthyer duke i thirrur të largohej nga kulla ndryshe do ta hidhte poshtë.