“Spanja duhet ta kishte njohur Kosovën shumë kohë më parë, megjithëse ende ka kohë për ta bërë këtë”, ka deklaruar kështu kryeministri Albin Kurti në një intervistë për gazetën “El Periodico”, gjatë qëndrimit të tij në Barcelonë. Kurti është shprehur se është duke punuar që një gjë e tillë të ndodhë, meqë nuk ka asnjë mosmarrëevshje mes dy shteteve. “Do t’u thosha atyre se Spanja nuk duhet ta barazojë rastin e Kosovës me tensionet e veta territoriale. Serbia kreu gjenocid; nuk ka asnjë mënyrë për të bërë paralele midis Madridit dhe Beogradit. Nuk ka asnjë krahasim të mundshëm dhe Spanja duhet ta kishte njohur Kosovën shumë kohë më parë”, shprehet Kurti. Ai tha se nuk ka pengesa për njohjen e Kosovës, por sa më shpejt të ndodhë, aq më mirë do të jetë’.