Një projektligj mbi Ballkanin Perëndimor që pritet të kalojë në diskutime e më pas të miratohet nga ana e Senatit amerikan është bërë public nga ana e Kongresit. Nisma ligjore e titulluar “Ëestern Balkans Democracy and Prosperity Act”, synon të rrisë tregtinë, investimet dhe mbështetjen politike amerikane për vendet e Ballkanit Perëndimor. Projektligji që është depozituar në Dhomën e Përfaqësuesve në 10 shtator të këtij viti përfshin Shqipërinë, Kosovën, Bosnjë Hercegovinën, Malin e Zi. Maqedoninë e Veriut, Serbinë dhe Kroacinë. SHBA synon që të rrisë akoma dhe më shumë forcimin e demokracisë në këto vende si dhe luftën kundër korrupsionit. Po ashtu përfshihet mbështetje për gjyqësorin, prokurimet publike dhe mediat e pavarura. “Rritja e tregtisë dhe investimeve amerikane në rajon, veçanërisht në energji të pastër, infrastrukturë, bujqësi, teknologji dhe bizneset e vogla. Ulja e varësisë nga energjia ruse, duke nxitur diversifikimin energjetik dhe burimet e rinovueshme”, janë disa nga pikat e tjera të kësaj nisme. Shtetet e Bahskuara po ashtu do të ofrojnë mbështetje për sigurinë kibernetike dhe infrastrukturën digjitale në vendet e rajonit. Por ajo çka bie në sy në këtë projektligj është se Kongresi kërkon që të luftojë korrupsionin dhe mbrojtjen për institucionet e drejtësisë. Projektligji thekson se korrupsioni ushqen pasigurinë, dekurajon investimet amerikane dhe europiane dhe dobëson besimin e qytetarëve te demokracia.