Top News-SPAK, dosjet e ‘rënda’ që po hetohen!/Kraja i ‘premton’ BE-së shpejti do ketë me rezultate!

Kreu i SPAK, Arben Kraja ka theksuar se po hetohen cështje të rëndishme sa I takon krimit të organizuar, pastrimit të parave apo korrupsionit në disa nivele. Në një takim në kuadër të prezantimit të projektit EU4LEA, Kraja garantoi për hetime të paanshme të cështjeve, ndërsa kërkoi mbështetjen për të arritur sa më shpejt në rezultate konkrete. I pranishëm në takim ishte dhe Prokurori i Përgjithshëm Olsian Çela. Ai u shpreh se sfidë për të mbetet rritja e efiçencës së punës së oficerëve të policisë gjyqësore. Nga ana tjetër, Ministri Bledi Çuçi u ndal te sulmet e fundit kibernetike ndaj Shqipërisë. E pranishme në takim ishte edhe Ambasadorja e BE-së në Tiranë, Christiane Hohmann, e cila është shprehur se hapja e negociatave është një hap mjaft i rëndësishëm por megjithatë ka akoma punë për tu bërë.