Kryetari i Bashkimit Demokratik për Integrim, Ali Ahmeti ka reaguar lidhur incidentin në aeroportin e Shkupit me presidenten e Kosovës, Vjosa Osmani. “E dashur Presidente, më vjen shumë keq për incidentin dhe skandalin e papranueshëm diplomatik në aeroportin e Shkupit dhe e dënoj në formën më të ashpër të mundshme", shkruan Ahmeti në rrjetin social Instagram. Sakaq Ahmeti shkroi se ndihet i turpëruar nga kjo ngjarje aspak të këndshme. "Unë skuqem nga turpi i tyre dhe lus të gjithë vëllezërit dhe motrat në Kosovë, por edhe qytetarët tanë, që t’i falin për arsye se nuk dinë se ç’bëjnë. Kur nuk kanë turp të shkelin mbi popullin e vet, mbi vullnetin demokratik të qytetarëve në zgjedhje e të vihen në shërbim vazal e servil të tjetër kujt duke na sjell Putinin e Vuçiçin në Qeveri, atëherë si pyet askush për asgjë dhe na turpërojnë çdo ditë, nga disa herë me radhë”. Incidenti ndodhi datën e 1 gushtit, ku presidentes së Kosovës, Vjosa Osmani, iu tentua t’i merrej telefoni nga sigurimi i aeroportit të Shkupit.Menjëherë pas incidentit regoi Bekim Kupina, këshilltari për media i presidentes, i cili tha se veprimi i zyrtarit të sigurimit është në kundërshtim me praktikat ndërkombëtare, ndërsa e cilësoi si të paprecedentë.