Zgjedhjet e pëgjithshme parlamentare konfirmuan vijimësinë e Partisë Socialiste në mazhorancën parlamentare si dhe bënë të mundur që qytetarët të presin realizim të premtimeve elektorale të kësaj partie. Programi ekonomik i prezantuar gjatë fushatës elektorale përmbante disa ndryshime të rëndësishme, realizimi apo jo i tyre do të shihet në katër vitet e ardhshme qeverisësë. Socialistët do të vijojnë me skemën prograsive të tatimit edhe në mandatin e tretë. Sipas programit elektoral, për pagën deri në 40 mijë lekë të reja, tatimi mbi fitimin do të jetë 0 përiqnd. Sipas statistikave, ky ndryshim në skemën e tatimit progresv do të bëntë të mundur që më shumë se 63 për qind e qytetarëve mos paguajnë tatim mbi pagën duke bërë që një pjesë e mirë e të ardhurave në buxhetin e shtetit të mungojnë. Përsa i përket biznesit të vogël, socialistët kanë premtuar zero tatim fitim dhe zero tatim mbi vlerën e shtuar, duke vendosur edhe fiskalizimi si një objektiv në vitet në vijim, i cili do i kushtojë një pjesë të konsiderueshme të ardhurash, arkës të biznesve shqiptare. Ndërkohë përsa i përket pagës minimale, rritja e të cilës u bë e mundur vetëm në fund të mandatit të dytë të qeverisë Rama, kjo mazhorancë ka premtuar rritje të kufirit të pagës në 40 mijë lekë në mandatin e tretë.