1589 të burgosur me origjinë Shqiptare prej disa ditësh kanë nisur një grevë urie duke refuzuar ushqimin në burgjet greke. Shkak për këtë grevë është bërë një vendim që ministria greke e drejtësise ka nxjerrë lidhur me lejet dhe lirimin me kusht për të burgosurit që mbahen në insitucionet greke të riedukimit. Sipas denoncimeve të të burgosurve, ky vendim është bërë enkas për të mbajtur brenda burgjeve disa prej terroristëve të organizatës famëkeqe ‘17 nëntori’ si dhe të dënuarit për organizatën kriminale të ‘Agimit të Artë’, rastet e përdhunuesve të të miturve ose vrasjeve të grave, por prek edhe të dënuarit e tjerë të cilët thonë se penalizohen me të pa drejtë. Në greve marrin pjesë të dënuar që mbahen në burgjet e Haniasë, Kalkidhës, Korfuzit, Dhomokosë, Nafplios, Patrës,Neapoli dhe Larisës. Ministria greke e drejtësisë pranon se situata është e vështirë dhe se po shqyrton rastet me qëllim përjashtimin nga ky vendim të të dënuarve që vlerësohet se janë reabilituar ose nuk konsiderohen të rrezikshëm. Shoqatat në mbrojtje të të drejtave të njeriut kanë deklaruar se vendimi në fjalë prek të drejtat e njeriut dhe ftuan qeverinë të marrë masa për normalizimin e sutuatës.Të dënuarit denoncojnë edhe raste në të cilat drejtues të burgjeve iu bëjnë presion të denuarve për të ndërprerë grevën.