“Destinacioni me plazhet më të mrekullueshme për t’u vizituar këtë verë, por pa shpenzuar shumë para është Shqipëria”. Sipas një artikulli të botuar në të përditshmen spanjolle “El Cronista”, Shqipëria konsiderohet si një zgjedhje shumë e mirë për të kaluar pushimet. Në artikull theksohet se ekzistojnë një sërë destinacionesh më të lira se Spanja. Po ashtu ushqimi sipas gazetës spanjolle eshte me i lire. “Shqipëria është një destinacion magjepsës, me peizazhe malore, plazhe mahnitëse, ushqim të nivelit të lartë dhe gjithashtu një vend shumë i lirë. Vendi mesdhetar është ende një diamant i pacënuar që pret të zbulohet nga shumë vizitorë”, thuhet më tej në artikull. Aktualisht, fluturimet vajtje-ardhje nga Spanja kushtojnë rreth 53 euro, duke e bërë atë destinacionin më të lirë për pushime jashtë vendit.