Një person është raportuar i vdekur si pasojë e një shpërthimi të madh në një park industrial në qytetin gjerman Leverkuzen. Kompania menaxhuese, Currenta, ka thënë se pesë punëtorë janë të zhdukur dhe disa të tjerë janë plagosur si pasojë e shpërthimit. Shpërthimi ka nxitur alarm për “rrezik ekstrem”, prandaj edhe polcia u ka bërë thirrje banorëve të zonës që të mbyllen brenda në shtëpi dhe të mbyllin dritaret. Zona u mbush me shtëllunga tymi prandaj edhe puna e policisë për gjetjen e të personave të humbur ka hasur vështirësi.