Shtetet e Bashkuara kanë vendosur sanksione ndaj 8 kompanive serbe, ku tre prej tyre kanë bazën në Mal të Zi. Sipas REL, tre kompanitë e venosura në Mal të Zi, kanë eksportuar mallra me përdorim të dyfishtë në Rusi, të cilat mund të përdoren në industrinë e mbrojtjes. Zyra amerikane për Kontrollin e Aseteve të Huaja, p[ërmes një deklarate është shprehur se kompanitë i kanë shitur Rusisë radio të kategorisë ushtarake, kanë transferuar pajisje të përpunimit dhe kushineta të topave te kompanitë ruse, përfshirë te një kompani që është nën sanksione amerikane. Sipas të dhënave, këto eksporte që kapin edhe shifra prej 570.000 dollarësh, janë kryer në periudhën pak pasi Rusia nisi pushtimin e Ukrainës, në periudhën shtator 2022 deri në qershor 2023 përmes Gjermanisë, Malajzisë, Austrisë, Kinës dhe Meksikës. Mali i Zi ka vendosur sanksione ndaj Rusisë, pasi Moska nisi pushtimin e Ukrainës në shkurt të vitit 2022. Ndërkaq Serbia, pavarësisht se është shtet kandidat për anëtarësim në Bashkimin Evropian, nuk i është bashkuar sanksioneve të bllokut evropian kundër Rusisë. Pamje: AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.