Departamenti amerikan i Shtetit ka njoftuar Kongresin amerikan për një leje për furnizim të Kosovës me armatim të ri, në një vlerë mbi 14 milionë dollarësh, njofton REL. Në dokumentin e Kongresit nuk jepen hollësi publike për llojin e pajisjeve apo shërbimeve që përfshihen në këtë leje. Njoftimi për furnizimin e Kosovës me armatim të ri amerikan vjen në kohën kur kongresistë amerikanë po bëjnë thirrje që Uashingtoni të mbështesë anëtarësimin e Kosovës në NATO. Kosova është furizuar edhe në të kaluarën për të blerë pajisje ushtarake nga Uashingtoni. Në shkurtin të vitit 2025, Kosova pranoi dronë të blerë nga SHBA-ja, dërsa disa muaj më vonë, u furnizua me autoblinda. Sakaq, në 2024, Kosova bëri kërkesë për blerjen e 200 raketave kundërtanke “Javelin” nga SHBA, ndërsa automjete të tjera ushtarake amerikane janë blerë edhe në 2021-shin. Forca e Sigurisë së Kosovës është në një proces 10-vjeçar të shndërrimit në ushtri, e cila është mbështetur nga SHBA por është jo nga NATO, e cila nënvizon që FSK-ja t’u përmbahet detyrave të saj të reagimi ndaj krizave apo mbrojtja civile.