Të tjera tone kërcënuese në drejtim të Kosovës janë lëshuar nga Serbia. Ministri i Jashtëm, Marko Gjuriç, gjatë një interviste në televizionin publik RTS, foli me zemërim lidhur me njohjet e reja që ka marrë prishtina. “Viti i ardhshëm do të jetë i rëndësishëm në luftën për Krahinën Autonome të Kosovës dhe Metohisë”, u shpreh ai duke përdorur terma referues të njëjta me ato të regjimit të diktatorit Sllobodan Millosheviç dhe duke treguar edhe nëjherë synimet dashakeqe të Beogradit për të rikthyer Serbinë e Madhe. Ministri serb la të kuptohet se Beogradi ka gati disa tërheqje të njohjeve për Kosovën. “Ne shohim që Prishtina i ka dhënë fund moratoriumit mbi fushatën e njohjeve dhe tërheqjes së tyre.”, tha ai ndërsa shtoi: “Tani do të shohim në muajt në vijim se çfarë po bëjmë, megjithëse kemi bërë tashmë gjëra të caktuara, por nuk donim të mburreshim për këtë për arsye të caktuara”. Ai vazhdoi lojën diplomatike duke theksuar se Beogradi është Perëndimi për Lindjen dhe Lindja për Perëndimin.