Qytetarët serbë janë mbledhur në qendër të Mitrovicës së Veriut, bashkë me zyrtarë të Listës Serbe, për të shkuar kolektivisht në votim. Edhe më herët ka qenë praktikë që punonjësit në institucionet e Serbisë në Kosovë, të votojnë në mënyrë kolektive. Lista Serbe, e cila gëzon mbështetjen e Beogradit zyrtar, ka udhëhequr Mitrovicën e Veriut dhe tri komunat e tjera me shumicë serbe në veri, Zveçan, Zubin Potok dhe Leposaviq deri në nëntor të vitit 2022, kur përfaqësuesit e saj u larguan nga institucionet e Kosovës. Pas këtij vendimi, komuniteti serb bojkotoi zgjedhjet e jashtëzakonshme të prillit 2023 dhe votimin për shkarkimin e kryetarëve shqiptarë në vitin 2024, duke iu përgjigjur thirrjeve të Listës Serbe. Largimi i përfaqësuesve serbë nga institucionet ndodhi pas vendimit të Qeverisë së Kosovës për të hequr nga qarkullimi targat serbe të automjeteve.