Grabitja e shumës së madhe të eurove më 9 prill 2019 në aeroportin Nënë Tereza në Rinas, është riikthyer edhe një herë në qendër të vemenendjes. Policia e Tiranës këtë të hënë sekuestroi pasuri me vlerë rreth 2 milionë euro, të cilat ishin në pronësi të Albana Murataj, bashkëshortes së Admir Murataj, njërit prej autorëve të grabitjes. Admiri mbeti i vrarë gjatë grabitjes, por mesa duket, një pjesë e parave i është dhënë bashkëshortes së tij, nga pjestarët e tjerë që bashkëpunuan me Muratajn. Konkretisht, policia e Tiranës sekuestroi 2 apartamente një i vendosur në Tiranë e tjetri në Sarandë, 2 garazhe në rrugën Mihal Grameno, dhe një sipërfaqe toke në Mjull Bathore.