Avokati serb, Ivan Niniq ka dorëzuar kallëzim penal për kryerjen e veprës penale “vrasje në tentativë” ndaj ministrisë së punëve të brendshme të Serbisë, pjesëtarëve të ushtrisë serbe dhe grupit të kryeterorristit Millan Radojçiq, ish-nënkryetar i Listës Serbe, i cili kishte marrë përgjegjësinë për sulmin e armatosur në Banjskë të Zveçanit në shtator të vitit 2023 Kalkëzimi penal është dorëzuar për rastin e plagosjes dhe rrëmbimit të Millan Vukashinoviç, nga xhandarmëria serbe në territorin e Republikës së Kosovës, në Leposaviq. Avokati ka bërë me dije se padia është bërë në emrin e nënës së Vukashinoviç. Incidenti në fshatin Jellakcë afër Leposaviqit, siç pretendon avokati Niniq, Millan Vukashinoviq u plagos nga persona të maskuar dhe më pas u transportua në spitalin e Prokuples, e më vonë në Qendrën Klinike të Nishit, ka ndodhur më 1 nëntor. Millan Vukashinoviç ka qenë i punësuar në Byronë e Sigurimeve të Kosovës në pikën kufitare në Jarinjë, në veri të Kosovës.