Një tjetër shqiptar i shpallur në kërkim ndërkombëtar për krime kundër personit, u arrestua nga policia spanjolle, falë bashkëpunimit të përbashkët me policinë shqiptare. Bëhet fjalë për një 40 vjecar nga Shkodra, i cili njihej me tre emra, Gentjan Funiqi, alias Gentjan Martini dhe Festim Olomani. Ndaj këtij shtetasi, Gjykata e Posaçme Kundër Korrupsionit dhe Krimit të Organizuar ka caktuar masën e sigurisë “Arrest në burg”, për veprat penale "Rrëmbimi ose mbajtja peng e personit", kryer në bashkëpunim dhe "Prodhimi dhe mbajtja pa leje e armëve, armëve luftarake dhe e municionit". Ky shtetas, në momentin e ndalimit nga policia, kishte një kartë identiteti bullgare të falsifikuar, me gjeneralitete R. I., dhe një sasi lënde narkotike, të cilat u sekuestruan në cilësinë e provave materiale. Pritet ekstradimi I tij drejt shtetit shqiptar.