Tre persona kanë humbur jetën të enjten dhe më shumë se 100 u plagosën ndërsa me mijëra zjarrfikës janë angazhuar në luftë me flakët në rajonet bregdetare në mesdhe, në brigjet jugore të Turqisë. Zyrtarët kanë nisur edhe një hetim pas dyshimeve se zjarret që shpërthyen të mërkurën në katër zona në lindje të Antalias, të shumëfrekuentuar nga turistët, mund të ishin të qëllimshme. Ekipet e emergjencave thanë se tre persona humbën jetën, përfshirë një 82 vjecar që jetonte vetëm dhe 122 u plagosën nga zjarret.