Pamjet që po shihni vijnë nga kryeqyteti I cili është përfshirë nga reshjet e dendura të shiut dhe temperaturat e ulëta. Këto kushte atmosferike do të na shoqërojnë përgjatë gjithë javës, sikundër parashikuan dhe meteorologët. Edhe kjo e martë nisi me reshje shiu ku veriu I vendit paraqitet më problematik. Probleme u shfaqën në Lezhë, Shkodër, Vaun e Dejës, Malësi e Madhe dhe Pukë. Në qarkun e Lezhës, në disa fshatra pati ndërprerje të energjisë elektrike. Në bashkinë e Mirditës, në fshatin Bukmirë, pati rrëshqitje të gurëve që bllokoi për disa orë qarkullimin e automjeteve.